21-25 ஜீவப்ரகரண சந்தி

வாஸவானுஜ ரேணுகாத்மஜ

தா³ஷரதி² வ்ருஜினார்த்த³னமலஜ

லாஷயாலய ஹயவத³ன ஸ்ரீகபில நரசிம்ஹ |

ஈ ஸுரூபதி³ அவரவர ஸ

ந்தோஷ ப³டிஸுத¹ நித்யஸுக²மய

வாஸவாகி³ஹ ஹ்ருத்க¹மலதொ³ளு பி³ம்ப³னெந்தெ³னிஸி ||21

 

வாஸவானுஜ = இந்திரதேவனின் தம்பியான உபேந்திரதேவன்

ரேணுகாத்மஜ = பரசுராமன்

தாஷரதி = தஷரதராமன்

வ்ருஜனார்த்தன = பாப நாஷகனான ஜனார்த்தனன்

அமலஜலாஷயாலய = தூய்மையான நீரினைக் கொண்ட ஏரி முதலானவை; அவற்றை வீடாகக் கொண்டிக்கும் மத்ஸ்யமூர்த்தி

ஹயவதன ஸ்ரீகபில நரசிம்ஹ = ஹயக்ரீவ கபில நரசிம்ம

சுரூபதி = இந்த சிறந்த எட்டு ரூபங்களில்

அவரவர = அந்தந்த ஜீவர்களை (யோக்யதைக்கேற்ப)

சந்தோஷ படிஸுத = மகிழ்ச்சிப்படுத்தியவாறு

நித்யசுகமய = நிரந்தர சுகஸ்வரூபனான ஸ்ரீஹரி

பிம்பனெந்தெனிஸி = பிம்பன் என்று சொல்லிக்கொண்டு

ஹ்ருத்கமலதொளு = இதய தாமரைகளில்

வாஸவாகிஹ = வசிக்கிறான்.

 

அஷ்ட திக்பாலகர்களிடமிருந்து, 8 ரூபங்களால் வணங்கப்படுகிறான் என்கிறார். இதய கமலத்தின் அஷ்ட தளங்களில் உபேந்திர, பரசுராம, ராம, ஜனார்த்தன, மத்ஸ்ய, ஹயக்ரீவ, கபில, நரசிம்ம ஆகிய 8 ரூபங்களால் இந்திர, அக்னி முதலான திசைகளில், பிம்ப என்னும் பெயரில், ஆனந்த ஸ்வரூபனான ஸ்வாமி, அவரவர்களின் யோக்யதைக்கேற்ப அவரவர்களை மகிழ்ச்சிப்படுத்தியவாறு வசிக்கிறான்.

 

ஸுரபனாலய  கை¹தி³தொ³டெ³ மன

வெரகு³வுது³ ஸத்புண்ய மார்க்க³தி³

ப³ரலு வன்ஹியமனெகெ³ நித்³ராலஸ்ய ஹஸி த்ருஷெயு |

தரணிதனய நிகேதனதி³ ஸ

ம்ப⁴ரித கோபாடோப தோ¹ருவு

த³ரவிதூ³ரனு நிருதியலி ப³ரெ பாபக³ள மாள்ப ||22

 

சுரபன = இந்திரனின்

ஆலயகெ = வீடு என்றால் இந்திரன் வசிக்கும், கிழக்கு தளத்திற்கு

ஐதிதரெ = வந்தால்

மனவு = மனஸ்

ஸத்புண்யமார்க்கதி = உத்தமமான புண்ய மார்க்கத்தில்

எரகுவுது = நுழைகிறது

வன்ஹியமனெகெ = அக்னி இருக்கும் தளத்திற்கு வந்தால்

நித்ரா ஆலஸ்ய ஹஸி த்ருஷெயு = தூக்கம், சோர்வு, பசி, தாகம் ஆகியவை உண்டாகிறது

தரணி = சூர்யனின்

தனய = மகனான யமனின்

நிகேதனதி = தளத்திற்கு வந்தால்

ஸம்பரித கோபாடோப = முழுமையான கோபம் வருகிறது

அரவிதூரனு = தோஷங்கள் அற்றவன்

நிருதியல்லிரெ  நிரருதி இருக்கும் தளத்திற்கு வந்தால்

பாபகளமாள்ப = பாப கர்மங்களில் புத்தி செல்கிறது.

 

20ம் பத்யத்தில் ஹம்ஸரூபி பரமாத்மன், அந்த தளங்களில் இருக்கும் திக்பாலகர்களிடமிருந்து சேவைகளைப் பெற்று, குயவனின் சக்கரத்தைப் போல, 8 தளங்களில் சுற்றியவாறு இருக்கிறார் என்றார். இப்போது, மூன்று பத்யங்களால் எந்தெந்த தளங்களில் எந்தெந்த செயல்களை செய்கிறார் என்பதை சொல்கிறார்.

 

இந்திரன் இருக்கும் கிழக்கு தளத்திற்கு பரமாத்மன் வந்தால், உத்தமமான புண்ய மார்க்கத்தில் மனஸ் நுழைகிறது. அக்னி இருக்கும்படியான தளத்திற்கு பரமாத்மன் வந்தால், ஜீவனுக்கு தூக்கம், தாகம், பசி ஆகியவை வருகிறது. யமன் இருக்கும் தெற்கு தளத்திற்கு பரமாத்மன் வருகையில், பயங்கரமான கோபம் வருகிறது. தோஷங்கள் அற்றவனான ஸ்ரீஹரி நிரருதி திசையில் இருக்கும் தளத்திற்கு வந்தால், ஜீவனுக்கு பாவ கர்மங்களில் புத்தி செல்கிறது.

 

வருணனல்லி வினோத³ ஹாஸ்யவு

மருதனொளு க³மனாக³மன ஹிம

கர த⁴னாதிபனல்லி த⁴ர்மத புத்தி³ ஜனிஸுவுது³ |

ஹரன மந்தி³ரத³ல்லி கோ³ த⁴ன

த⁴ரணி கன்யாதா³னக³ள ஒ

ந்த³ரக⁴ளிகெ³ தடெயத³லெ கொடுதி¹ஹ சித்த புட்டுவுது³ ||23

 

வருணனலி = வருணன் வசிக்கும் மேற்கு தளத்திற்கு (பரமாத்மன் வந்தால்)

வினோத ஹாஸ்யவு = நகைச்சுவைகளால் காலம் கழிக்கும் புத்தி வருகிறது

மருதனொளு = வாயு வசிக்கும் தளத்திற்கு (பரமாத்மன் வந்தால்)

கமனாகமன = சஞ்சாரம் செய்வதற்கு புத்தி உண்டாகிறது

ஹிமகர தனாதிபரல்லி = சந்திர மற்றும் குபேரர் வசிக்கும் வடக்கு திசைக்கு பரமாத்மன் வருகையில்

தர்மத புத்தி ஜனிஸுவுது = தர்மம் செய்வதற்கு புத்தி வருகிறது

ஹரன = ருத்ரதேவர் இருக்கும் ஈசான்ய தளத்திற்கு பரமாத்மன் வருகையில்

கோதன தரணி கன்யாதானகள = கோ-தான, திரவ்ய தான, பூ-தான, கன்யா-தான

ஒந்தரகளிகெ தடெயதலெ = அரை நாழிகைகூட தாமதமில்லாமல் (அதாவது பரமாத்மன் ஈசான்ய தளத்திற்கு வந்த உடனேயே)

கொடுதிஹ = கொடுக்கிறான்

சித்த = புத்தி

புட்டுவுது = பிறக்கிறது

 

வருணன் இருக்கும் தெற்கு தளத்திற்கு பரமாத்மன் வருகையில், சிறந்த நகைச்சுவைகளில் புத்தி செல்கிறது. வாயு இருக்கும் வாயவ்ய தளத்திற்கு பரமாத்மன் வருகையில், தேசாந்தரம் பயணம் செய்ய புத்தி செல்கிறது. சந்திரன் மற்றும் குபேரன் வசிக்கும் வடக்கு தளத்திற்கு பரமாத்மன் வருகையில், தர்ம விஷயங்களில் புத்தி செல்கிறது. ருத்ரதேவர் இருக்கும் ஈசான்ய திசையில் இருக்கும் தளத்திற்கு பரமாத்மன் வந்த அதே நொடியில், கோதான, பூதான, திரவ்ய தான, கன்யாதான ஆகியவற்றை செய்வதற்கு மனம் விரும்புகிறது.

 

ஹ்ருத³யதொ³ளகெ³ விரக்தி கேஸர

கொத³கெ³ ஸ்வப்ன ஸுஷுப்தி லிங்க³தி³

மது⁴ஹ கர்ணிகெ¹யல்லி ப³ரெ ஜாக்³ரதெயு புட்டுவுது |

ஸுத³ருஷன மொத³லாத³ அஷ்டா

யுத⁴வ பிடி³து³ திஷாதி⁴பதிக³ள

ஸத³னத³லி ஸஞ்சரிஸுதீபரி புத்தி³க³ள கொடு³வ ||24

 

ஹ்ருதயதொளகெ = இதய கமலத்தின் நடுவே வந்தால்

விரக்தி = சம்சாரத்தில் விரக்தி வருகிறது

கேஸரக்கெ = நடுவில் இருக்கும் தளத்திற்கு

ஒதகெ = வந்தால்

ஸ்வப்ன = ஸ்வப்ன நிலை வருகிறது

லிங்கதி = லிங்க சரீரத்திற்கு வந்தால்

ஸுஷுப்தி = நித்ரா நிலை வருகிறது

மதுஹ = மதுசூதனன்

கர்ணிகெயல்லி = தளங்களில்

பரெ = நுழைந்தால்

கர்ணிகெயல்லி = தளங்களில்

பரெ = நுழைந்தால்

ஜாக்ரதெ = ஜாக்ரதெ நிலை

புட்டுவுது = பிறக்கிறது

ஸுதர்ஷன மொதலாத = சக்ர முதலான

அஷ்டாயுதவ பிடிது = 8 ஆயுதங்களைப் பிடித்து

ஆஷாதிபதிகள = திக்பாலகர்களின்

சதனதல்லி = தளங்களில்

சஞ்சரிசுத = பயணம் செய்தவாறு

ஈபரி = இந்த மாதிரியான

புத்திகள கொடுவ = அறிவைக் கொடுக்கிறது

 

அஷ்ட தளங்களையும் சுற்றிவிட்டு, பரமாத்மன் கமலத்தின் நடுப்பகுதிக்கு வந்தால், வைராக்ய புத்தி உண்டாகிறது. அந்த தளங்களின் நடுப்பகுதியில் சஞ்சாரம் செய்யும்போது ஸ்வப்ன அவஸ்தை வருகிறது. நடுத் தண்டிற்கு வரும்போது தூக்க நிலை வருகிறது. மதுசூதனன் மறுபடி தளங்களுக்கு பிரவேசம் செய்கையில், விழிப்பு நிலை வருகிறது. சக்ர, சங்கு, கதா, பத்ம, தனுஸ், அம்பு, கத்தி, கேடயம் என்னும் 8 ஆயுதங்களை 8 கைகளில் தரித்துக்கொண்டு ஸ்ரீபிம்ப என்னும் ஹம்ஸரூபி பரமாத்மன் அஷ்டதிக்பாலகர்களின் தளங்களில் பயணிக்கும்போது இவ்விதமான புத்திகளைக் கொடுக்கிறான்.

 

ஸுத்ரநாமக ப்ராணபதி கா³

யத்ரி ஸம்ப்ரதிபாத்³யனாகி³

கா³த்ரதொ³ளு நெலெஸிரலு திளியதெ³ கண்ட³கண்ட³ல்லி |

தா⁴த்ரியொளு ஸஞ்சரிஸி புத்ர க

ளத்ர ஸஹிதனுதி³னதி³ தீர்த்த²

க்‌ஷேத்ர யாத்ரெய மாடி³தே³வு எந்தெ³னுத ஹிக்கு³வரு ||25

 

சூத்ர நாமக = ஸூத்ர என்னும் பெயருள்ள

ப்ராணபதி = பிராணதேவரின் ஸ்வாமியான ஹம்ஸ நாமக பரமாத்மன்

காயத்ரி ஸம்ப்ரதிபாத்யனாகி = காயத்ரி பிரதிபாத்யன் என்று அழைத்துக் கொண்டு

ஈ காத்ரதொலு = இந்த சரீரத்தில்

நெலெஸித்து = இருப்பதை அறியாமல்

தாத்ரியொளு = பூமியில்

கண்டகண்டல்லி = அனைத்து இடங்களிலும்

சஞ்சரிஸி = பயணித்து

புத்ரகளத்ரஸஹித = மக்கள், மனைவியர் சஹிதமாக

அனுதினதி = தினந்தோறும்

தீர்த்த க்‌ஷேத்ரயாத்ரெயு = தீர்த்த க்‌ஷேத்திர யாத்திரைகளை

மாடிதேவு எந்தெனுத = செய்தோம் என்றவாறு

ஹிக்குவரு = பெருமை கொள்வர்.

 

அனுசந்தானம் இல்லாதவர்கள் தீர்த்த யாத்திரைகளை செய்தாலும் பலன் கிடைக்காது. அனுசந்தானத்துடன் தேகத்தில்  பகவத் ரூபங்களை சிந்தித்தால், தீர்த்த யாத்திரை செய்ததைவிட உத்தம பலன் கிடைக்கிறது என்று சொல்கிறார்.

 

சூத்ர நாமகனான பிராணதேவரின் ஸ்வாமியான ஸ்ரீஹம்ஸ மூர்த்தி, நம் தேகத்தில் இதய கமலத்தின் தளங்களில் ராமாதி ரூபங்களால் வசிப்பதை அறியாமல், இந்த பூமியில் பயணம் செய்து, உடுப்பிக்குச் சென்று கிருஷ்ணனின் தரிசனம் செய்தோம், அயோத்திக்குச் சென்று ராம தரிசனம் செய்தோம், காசிக்குச் சென்று கங்கா ஸ்னானம் செய்தோம் என்று மனைவி, மக்களுடன் வெவ்வேறு இடங்களுக்குச் சென்று வந்து கர்வத்துடன் சொல்லிக் கொள்வர். இதயத்தில் இருக்கும் பகவந்தனை அறியாமல் தேச சஞ்சாரம் செய்து என்ன பலன்? ஞானிகள், இத்தகைய தேகத்தில் இருக்கும் பகவத் ரூபங்களை அறிந்து, வீட்டிலேயே அனைத்து தீர்த்தக்‌ஷேத்திர யாத்திரையை செய்த பலனைப் பெறுவர். ஆகையால், அனுசந்தானமே முக்கியம் என்று சொல்கிறார்.