#14 - பஞ்சதன்மாத்ர சந்தி

#14 - பஞ்சதன்மாத்ர சந்தி

எரடு³ஸாவிரதெ³ண்டு¹ ரூபவ

நரிது சர்வபதார்த்த²தலி ஸிரி

வரன பூஜெயமாடு³ வரக³ள பே³டு³ கொண்டா³டு³ |

ப³ரிதெ³ ஜலதொளு முளுகி³ பி³ஸிலொளு

பெரளனெணிஸிதரேனு சத்கு³ரு

ஹிரியரனுசரிஸித³ர மர்மவனரியதி³ஹ நரனு ||14

எரடுசாவிரதெண்டு ரூபவனு = 2008 ரூபங்களை

அரிது = அறிந்து

ஷிரிவரன = லட்சுமி ரமணனை

சர்வ பதார்த்ததலி = அனைத்து பொருட்களிலும்

பூஜெயமாடு = பூஜையை செய்

வரகள பேடு = வரங்களை கேள்

கொண்டாடு = ஸ்தோத்திரம் செய்

சத்குரு = சத்குருகளான பெரியவர்களை

அனுசரிஸி = அவர்கள் பேச்சினைக் கேட்டு

மர்மவன்னு = மகிமைகளை

அரியதெ = தெரியாமல்

இஹ = இருக்கும்

நரனு = மனிதன்

பரிதெ = எவ்வித பயனுமில்லாமல்

பெரளனு = விரல்களை

எணிஸதரேனு = எண்ணினால் என்ன பயன்? (பயன் இல்லை என்று பொருள்).

முந்தைய 2 பத்யங்களில் கூறிய பகவத்ரூபங்களை சொல்லியவாறு, சத்குருவின் உபதேசம் இல்லாதவர்க்கு இந்த உபாசனை புரியாது என்று சொல்கிறார்.

12ம் பத்யத்தில் கூறிய பகவத் ரூபங்களின் எண்ணிக்கை 1624. ஆதார ரூபங்கள் 242. ஆதேய ரூபங்கள் 142. மொத்த ரூபங்கள் 2008. இவ்வளவு பகவத்ரூபங்களை அனைத்து பொருட்களிலும் சிந்தித்து லட்சுமிபதியை யார் பூஜிக்கின்றாரோ, அவரே தன்யர். அவரை பிரார்த்தித்து விஷயங்களை அறியவேண்டும். அவரை போற்றவேண்டும். சத்குருகளின் சேவை செய்து அவரின் உபதேசத்தினால் இந்த மர்மங்களை அறியாத மனிதர்கள், பெரிய ஆசார்யர் என்று வேடம் தரித்து, குளிரில் சென்று குளத்தில் மூழ்கி, வெளியில் அமர்ந்து கண்மூடி அமர்ந்து, விரல்களை விட்டு ஜெபம் செய்து என்ன பலன்? எந்த பலனும் இல்லை. 

***